30.05—28.06.2015
Ethos / Atle Østrem / Anette Moi / Pøbel
Bryne kunstforening ønskjer velkommen til opning av veggbasert kunst på Felleskjøpet sine veggar, og utstilling i kunstforeininga sine lokalar i Bryne Mølle i 3. etasje.
På vegg ute vil arbeid av kunstnarane Claudio Ethos (Brasil) og Pøbel visast.
Ethos arbeider med sprayboks i det urbane rom. Arbeida hans er ofte av store menneskefigurar som kan tolkas i forskjellige retningar. Arbeida er detaljrike, og han brukar sprayboksen for å skapa skygge og volum. Han har delteke på fleire street art- og mural-festivalar i store byar som Paris, Istanbul, Oslo, Tel-Aviv, Bogota og Miami.
Pøbel er mest kjent for prosjektet sitt under Komafestivalen i Vardø, og har òg delteke på ei rekke street art- og mural-festivalar verda over.
I galleriet vil arbeid av Claudio Ethos, Atle Østrem og Anette Moi vera representert.
Anette Moi er illustratør og kunstnar. Ho bur og arbeidar i Stavanger. Ho har blant anna gitt ut si eiga bok 365xMOI, jobba for kundar som Vice Magazine, Pizzabakeren, WiMp, Natt&Dag, Aftenposten Innsikt og Knirckefritt Management. Anette har hatt utstillingar på Reedprojects Gallery, Grafill R21, Tou Scene, Cafeteatret og Bryne Mølle.
Atle Østrem er oppvaksen på Kverneland, men bur og jobbar nå i Oslo.Østrems maleri er eit univers av figurar i kombinasjon med tittelen som er malt på biletet og gjer det til ein del av det visuelle uttrykket. På denne måten ønskjer Østrem å skapa ein slags dialog mellom kunstverk og betraktar. Atle Østrem har dei siste 10 åra hatt ei rekke separatutstillingar i inn og utland, samt utført utsmykkingsverk på blant anna Universitetet i Stavanger, Oslo bussterminal og i Stavanger fengsel.