NåDa

Bryne kunstforening er valt ut til å delta i det nasjonale ungdomsprosjektet NåDa, i regi av Norske Kunstforeninger.

NåDa er eit prosjekt der ungdom får samarbeida med ein profesjonell samtidskunstnar om å utvikla eit kunstprosjekt med utgangspunkt i eit lokalt kulturminne. For Bryne kunstforening er det området rundt Bryne Mølle og Kaizersplass som er valt som utgangspunkt for prosjektet. Gjennom kunst og samarbeid skal ungdommane utforska historie, identitet og kva som formar lokalsamfunnet vårt.

Ungdommane skal vera aktive medskaparar gjennom heile prosessen – frå idé til ferdig verk. Dei får innsikt i korleis ein kunstnar arbeider, deltek i kunstnariske val og produksjon, og får utforska eigne perspektiv og uttrykk. Det viktigaste i prosjektet er prosessen, medverknaden og eigarskapen ungdommane får til arbeidet.

Prosjektet går gjennom skuleåret 2026/27, og me startar no rekruttering av deltakarar før sommaren. Målgruppa er ungdom frå eller busett på Jæren i alderen 15–25 år.

Me er svært glade for at David Lamignan Larsen har takka ja til å vera prosjektkunstnar for Bryne kunstforening. Ungdommane vil arbeida tett saman med han gjennom prosjektperioden.

Har du lyst til å vera med, eller ønskjer meir informasjon?

Ta gjerne kontakt med Bryne kunstforening.

NåDa er initiert av norske kunstforeninger og støtta av Sparebankstiftelsen.